தேவ அழைப்பை ஏற்பீரே

தேவ அழைப்பை ஏற்பீரே - ஏற்றால்
தெய்வ வல்லமை பிறக்குமே!
பாவ மின்றி பணிசெய்தால் - இந்தப்
பாரை மாற்றிக் காட்டலாம்!!
மாசு மருவு இல்லாத - மரியை
வழித்துணையாகக்கொள்ளுவீர்!
சேசு செய்த புதுமைகள் - நாமும்
நேர்த்தியாகச் செய்யலாம்!!
தேவன் அழைப்பே அழைப்பாகும் - பிறரால்
நேர்தல் வெறும் கண்துடைப்பு!
சாவை வெல்ல முடியுமே - நாமும்
சாத்தான் ஓடச் செய்யலாம்!!
அழைத்த உடனே சேசுவைத் - தொடர்ந்த
அப்பாவிகளைப் பின்பற்றுவோம்
பிழைப்பைத் தேடி வருவதல்ல  - துறவு
இறைவன் வாக்கை அறிவித்தலே
உற்றார் உறவோர் பற்றினை - விட்டு
உலக ஆசா பாசங்கள்
முற்றும் வெறுத்தல் தேவஅழைப்பு - என்பதை
உண்மை அழைத்தலை நிறைவுசெய்யுமே
தன்னை ஏற்ற தந்தையாம் - இறைவனை
தலைமை கொண்டு பணிசெய்தல்
என்றும் துறவை நிலைநாட்டும் - உண்மை
என்ன என்பது தெளிவாகும்.
 
- கவிஞர் பெஸ்கிதாசன்